Իրանը և Մեծ Բրիտանիան վերականգնել են դիվանագիտական հարաբերությունները
Թեհրանը և Լոնդոնը վերականգնել են դիվանագիտական հարաբերությունները գործերի ժամանակավոր հավատարմատարների մակարդակով: Այս մասին հաղորդում է INTERFAX-ը՝ իրանական ԶԼՄՆ-ներին հղումով, որոնք էլ մեջբերում են Իրանի Իսլամական Հանրապետության փոխարտգործնախարարի խոսքը:
«Սկսած այս օրվանից՝ Իրանը և Մեծ Բրիտանիան վերականգնել են դիվանագիտական հարաբերությունները գործերի ժամանակավոր հավատարմատարների մակարդակով, ովքեր մշտական բնակություն չեն հաստատել երկու երկրների տարածքում», - ընդգծել է դիվանագետը:
Իրանի փոխարտգործնախարարի խոսքով՝ Թեհրանում և Լոնդոնում դեսպանությունների ճակատին բարձրացվել են երկու երկրների դրոշները:
Մեծ Բրիտանիայի ԱԳ նախարարությունում հաստատել են, որ Իրանի հետ դիվանագիտական հարաբերությունները վերականգնվել են:
Մեծ Բրիտանիան փակել է Թեհրանում իր դեսպանատունը 2011-ին՝ ցուցարարների կողմից հարձակումից հետո, որին հետևել է Լոնդոնում Իրանի դեսպանության աշխատանքի դադարեցումը:










