Լվովի զորամասում բռնկվել են զինամթերքի պահեստները

01:04 • 20.02.14

Ուկրաինայի Լվով քաղաքի ՆԳՆ-ի ներքին զորքերի զորամասում փետրվարի 19-ի առավոտյան բռնկված հրդեհը տարածվել է դեպի զինամթերքի պահեստներ: Այս մասին հաղորդում է Газета.ru-ն՝ հղում կատարելով РиаНовости -ին:

 

Հաղորդվել է, որ բռնկված հրդեհը օրվա ընթացքում հաջողվել է մարել, սակայն երեկոյան կողմ բոցավառվել է նոր ուժով: Կրակը ոչնչացրել է զորանոցները և տարածվել դեպի զինամթերքի պահեստներ:

 

«Կրակի մարման աշխատանքները շարունակվում են, և հենց դադարեն պայթյունները, մարդիկ իրենց ապահով կզգան: Մենք չգիտենք, թե կոնկրետ ինչ զինամթերքներ են պահվում պահեստներում, դրանք կնքված են»,- հաղորդում է գործակալության աղբյուրը: