Ուկրաինայի դեմ պատժամիջոցների սպառնալիքները միայն կբարդացնեն իրավիճակը. ՌԴ ԱԳՆ

16:08 • 20.02.14

Ուկրաինայի իշխանությունների դեմ պատժամիջոցներ կիրառելու սպառնալիքները տեղին չեն, և կարող են միայն լրացուցիչ լարվածություն առաջացնել. ինչպես տեղեկացնում է РИА Новости գործակալությունը, նման հայտարարություն է արել ՌԴ արտգործնախարարության պաշտոնական ներկայացուցիչ Ալեքսանդր Լուկաշևիչը։

 

«Շարունակվում են դրսից միջամտելու հետևողական փորձերը։ Պատժամիջոցներով սպառնալով կամ այլ միջոցներով իրավիճակի վրա ազդելը տեղին չէ և ոչ մի լավ բանի հանգեցնել չի կարող, դա կարող է միայն խորացնել հակասությունը»,- հայտարարել է նա։

 

Կիևում զանգվածային անկարգությունները վերսկսվել էին երեքշաբթի՝ Գերագույն ռադայի նիստի օրը։ Ընդդիմությունը պահանջում էր վերադարձնել խորհրդարանա-նախագահական կառավարման ձևը և վերականգնել 2004թ.-ի Սահմանադրությունը։


Վերջին տվյալներով՝ բախումների հետևանքով զոհվել է 35 մարդ։