Չինաստանը նախազգուշացրել է Բարաք Օբամային չհանդիպել Դալայ Լամային

11:00 • 21.02.14

Այսօր սպասվում է Տիբեթի հոգևոր առաջնորդ, աքսորյալ Դալայ Լամայի և ԱՄՆ-ի նախագահ Բարաք Օբամայի հանդիպումը, ինչի դեմ հանդես է եկել Չինաստանը, հայտնում է BBC-ն:

 

Աղբյուրի փոխանցմամբ` Չինաստանը նշել է, որ հանդիպումը պետք է հետաձգվի, այլապես դա լուրջ հետևանքներ կունենա ԱՄՆ-Չինաստան հարաբերությունների համար:

 

Հանդիպումը մասնավոր բնույթի է, նախատեսվում է անցկացնել Սպիտակ տան Քարտեզների սրահում:

 

Չինաստանը Դալայ Լամային անջատողական է ներկայացնում:

Վերջին անգամ Օբաման և Դալայ Լաման հանդիպել են 2011-ին:

 

Տիբեթը Չինաստանի ինքնավար մարզ է: