Յանուկովիչի հետ բանակցություններում արդյունք դեռևս չկա. Պուտինի ներկայացուցիչը հրաժարվում է փաստաթղթեր ստորագրել

16:49 • 21.02.14

Ուկրաինայում ներքաղաքական իրավիճակի կարգավորման հարցով ԵՄ-ի, ուկրաինական ընդդիմության և իշխանությունների ներկայացուցիչների բանակցություններում արդյունքներ դեռևս չկան։ Ինչպես հայտնում է «Ուկրաինսկայա պրավդա»-ն, այդ մասին բանակցությունների երկրորդ օրվա արդյունքներով լրագրողներին հայտնել է Լեհաստանի արտաքին գործերի նախարար Ռադոսլավ Սիկորսկին:

 

Գերմանիայի և Լեհաստանի արտաքին գործերի նախարարներ Ֆրանկ Վալտեր Շտայնմայերը և Ռադոսլավ Սիկորսկին նախագահի գրասենյակը լքել են ուրբաթ՝ տեղական ժամանակով ժամը 13:30-ին, հաղորդում է «Ուկրաինսկայա պրավդա»-ի թղթակիցը:

 

Հարցին, թե արդյոք կան որևէ պայմանավորվածություններ, Սիկորսկին պատասխանել է. «Ոչ, դեռ ոչ»:

 

Միևնույն ժամանակ, ռուսական «Ինտերֆաքս»-ի աղբյուրի փոխանցմամբ, Ռուսաստանի օմբուդսմեն Վլադիմիր Լուկինը՝ Պուտինի ներկայացուցիչը Կիևում, հրաժարվել է ստորագրել Ուկրաինայում ճգնաժամի կարգավորման մասին ամփոփիչ փաստաթուղթը:

 

Պաշտոնապես այդ տեղեկությունը գործակալությունը չի կարողացել հաստատել: