Ազգությամբ հայ Արսեն Ավագովն ընտրվել է Ուկրաինայի ներքին գործերի նախարար

16:05 • 22.02.14

Ուկրաինայի Գերագույն ռադայի ընդդիմադիր պատգամավոր Արսեն Ավագովը ընտրվել է այդ երկրի ներքին գործերի նախարար, հայտնում է BBC-ն: Նա ժամանակավոր պաշտոնակատար է:

Նրան ընտրել է Ռադան իր այժմ ընթացող նիստի ժամանակ, որտեղ մի շարք կարևորագույն հարցեր են որոշվում. մասնավորապես վերականգնվել է Ուկրաինայի 2004-ի Սահմանադրությունը:


Ավագովը հայ է, ծնվել է Բաքվում, 50 տարեկան է: Նա վերջին ամիսներին առավել ակտիվ էր հանդես գալիս Ուկրաինայում ծավալվող իրադարձությունների ֆոնին:

Նրա Facebook-ի էջում արդեն իսկ կարծիքներ են հրապարակվում, որ նրա ընտրությունը ադեկվատ էր կամ նրան էր պետք խոսնակ ընտրել: