Յանուկովիչի և Ուկրաինայի իշխող կուսակցության պատգամավորների գտնվելու վայրը հայտնի չէ. նախագահի ներկայացուցիչ

13:26 • 22.02.14

Ուկրաինայի Գերագույն ռադայում նախագահի ներկայացուցիչ Յուրի Միրոշնիչենկոն տեղյակ չէ, թե որտեղ է այժմ գտնվում Վիկտոր Յանուկովիչը:

 

«Ես տեղեկություն չունեմ նախագահի գտնվելու վայրի մասին»,- շաբաթ լրագրողներին ասել է Միրոշնիչենկոն, գրում է «Ուկրաինսկայա պրավդա»-ն:

 

Նա ընդունել է, որ այդ հարցի շուրջ այժմ շատ լուրեր են պտտվում:

 

Միրոշնիչենկոն խոստացել է այդ տեղեկությունն իմանալուն պես հայտնել լրագրողներին:

 

Բացի այդ, նա ասել է, որ չգիտի նաև, թե որտեղ են գտնվում Ռեգիոնների կուսակցությունից իր գործընկերները:
Այսօր խորհրդարանում գրանցվել է 248 ժողովրդական պատգամավոր:

 

Ուրբաթ տեղեկություն է հայտնվել, որ Յանուկովիչը մեկնել է Խարկով: Սակայն, Խարկովի օդանավակայանում պնդում են, որ նախագահական ինքնաթիռն իրենց մոտ վայրէջք չի կատարել: РБК- Украина-ի փոխանցմամբ՝ նախագահական ինքնաթիռը վայրէջք է կատարել Արաբական Միացյալ Էմիրություններում:

 

Ուկրաինացի լրագրողները վստահեցնում են, որ Ուկրաինայի նախագահի նստավայրի՝ «Մեժիգորյե»-ի տարածքում պահակներից բացի մարդ չկա: Այդ մասին եթերում հաղորդել է «5-րդ ալիքի» լրագրողը: Նրա խոսքով՝ տարածքը բացարձակ դատարկ է, գրում է «Դոժդ»-ը: