Մերկելը բուժօգնություն է առաջարկել Տիմոշենկոյին. ԶԼՄ-ներ

10:08 • 24.02.14

Գերմանական կառավարության աղբյուրները հայտնել են, որ Ուկրաինայի նախկին վարչապետ Յուլյա Տիմոշենկոյի հետ հեռախոսազրույցում Գերմանիայի կանցլեր Անգելա Մերկելը կոչ է արել նրան աշխատել երկրի միասնության ուղղությամբ և բուժօգնություն առաջարկել, գրում է Обозреватель-ը։

 

Ըստ որոշ աղբյուրների՝ Մերկելն առաջարկել է Տիմոշենկոյին բուժվել Գերմանիայում։ «Բատկիվշչինա» կուսակցության մամուլի ծառայության տեղեկություններով՝ Մերկելը և Տիմոշենկոն պայմանավորվել են հանդիպել մոտ ապագայում։

 

Ինչպես նշում են «Բատկիվշչինայում», Մերկելը վստահություն է հայտնել, որ «Տիմոշենկոյի վերադարձը քաղաքականություն Ուկրաինայում իրավիճակի կայունացման կարևորագույն գործոններից կդառնա»։