«Բերկուտի» նախկին մարտիկներին հրավիրել են Սևաստոպոլ

14:14 • 26.02.14

Ուկրաինայի Սևաստոպոլ քաղաքի նոր ղեկավար Ալեքսեյ Չալին լուծարված «Բերկուտ» հատուկ նշանակության ջոկատի մարտիկներին հրավիրել է իր քաղաք, գրում է Взгляд-ը՝ հղում անելով տեղական ԶԼՄ-ներին:

 

«Այդ մարդիկ արժանապատվորեն կատարել են իրենց պարտքը երկրի առաջ, իրենց իսկական տղամարդկանց պես են պահել, իսկ այժմ հոշոտման են նետվել կատաղած նացիստների առաջ իրենց իսկ նախկին ղեկավարների կողմից»,- ասել է Սևաստոպոլի ղեկավարը:

 

Ալեքսեյ Չալին խոստացել է «բերկուտցիներին» աշխատավարձ վճարել և ապահովել նրանց և նրանց ընտանիքների անվտանգությունը:

 

Ավելի վաղ Ուկրաինայի ներքին գործերի նախարարի պաշտոնակատար Արսեն Ավակովը հրամանագիր է ստորագրել «Բերկուտ» հատուկ նշանակության ստորաբաժանման լուծարման մասին: