Ուկրաինացի պատգամավորն առաջարկել է ստեղծել Խոսքի ազատության ու տեղեկատվության նախարարություն

09:53 • 26.02.14

Ուկրաինայի Խոսքի ազատության ու տեղեկատվության հարցերով խորհրդարանական հանձնաժողողվի փոխնախագահ Իգոր Միրոշնիչենկոն հայտնել է, որ երկիրը խոսքի ազատության ու տեղեկատվության նախարարության ստեղծման կարիք ունի։

 

Ինչպես նշում է Газета-ն, օրենսդիրը կարծում է, որ հենց տեղեկատվական անվտանգության բացակայության պատճառով այժմ Ուկրաինան խնդիրներ ունի, որոնք հանգեցնում են տարածքային ամբողջականության խախտման ու այլատյաց (քսենոֆոբ) հայտարարությունների հնչեցման։

 

Միրոշնիչենկոյի կարծիքով՝ պետք է անհապաղ դադարեցվի հեռուստատեսությամբ հարևան երկրի (Ռուսաստանի) քարոզչությունը։ Նրա խոսքով՝ հեռուստաալիքները պետք է հետևեն օրենսդրության պահանջներին և իրենց ծրագրային կոնցեպցիաներին։

 

«23 տարի շարունակ Ուկրաինան մասերի են բաժանել՝ օգտագործելով տեղեկատվական տարածությունը, որն առայսօր երկրում ոչ ոք չի վերահսկում»,- ասել է քաղաքական գործիչը։