Ռուսաստանում Յանուկովիչի ելույթի համար ուժեղացվել են անվտանգության միջոցառումները
Դոնի Ռոստովում (ՌԴ) Ուկրաինայի նախկին նախագահ Վիկտոր Յանուկովիչի մամուլի ասուլիսի անցկացման վայրը շղթայված է ոստիկանության կողմից, հաղորդում է УНИАН-ը:
Շենքի մուտքի մոտ ուժեղացվել են անվտանգության միջոցառումները, շենքի առաջ հրապարակը ցանկապատված է մետաղական ցանկապատներով, որից այն կողմ լրագրողներին թույլ են տալիս անցնել միայն լրագրողական վկայականներ ցույց տալու դեպքում:
Շենք կարելի է մտնել միայն անձնական իրերի մանրամասն զննությունից հետո: Իրավապահ մարմինների աշխատակիցները խնդրում են լրագրողներին դեն նետել բոլոր ավելորդ իրերը, մասնավորապես՝ լրագրողներից մեկին խնդրել են նետել խնձորը՝ բացատրելով, որ այն հանկարծ չնետեն Յանուկովիչի վրա:
Մամուլի ասուլիսը նախատեսված է Կիևի ժամանակով 15:00-ին:










