Կիևից անհայտ զինված անձինք փորձել են գրավել Ղրիմի ՆԳՆ շենքը. ՌԴ ԱԳՆ
Ռուսաստանի արտգործնախարարությունը հայտարարել է, որ մարտի մեկի գիշերն անհայտ զինված անձինք, որոնց ուղարկել են Կիևից, փորձել են գրավել Ղրիմի Ներքին գործերի նախարարության շենքը, տեղեկացնում է gazeta.ru-ն։
«Մարտի մեկի գիշերն անհայտ զինված անձինք փորձել են գրավել Ղրիմի Ինքնավար Հանրապետության ՆԳՆ շենքը։ Կան տուժածներ։ Շնորհիվ ինքնապաշտպանական վճռական գործողությունների՝ հնարավոր է եղել կանխել շենքի գրավման փորձը։ Վերջին դեպքը հաստատում է Կիևի քաղաքական շրջանակների ձգտումները՝ թերակղզում իրավիճակն ապակայունացնելու վերաբերյալ»,-ասված է գերատեսչության տարածած հաղորդագրության մեջ։
ՌԴ արտգործնախարարությունը Կիևից նման հրահանգներ տվողներին զսպվածության կոչ է արել։
«Առանց այն էլ Ղրիմում առկա լարվածության պայմաններում նման քայլերը չափազանց անպատասխանատու ենք համարում»,-ասված է հաղորդագրության մեջ։










