Ուկրաինան մեր ռազմավարական գործընկերն է. Յանուկովիչն իր այս հայտարարությունը մեկնաբանել է (տեսանյութ)

11:21 • 01.03.14

Ուկրաինայի պաշտոնանկ արված նախագահ Վիկտոր Յանուկովիչը երեկ ՌԴ Դոնի Ռոստով քաղաքում ասուլիս էր տվել, որի ժամանակ ասել էր, որ «Ուկրաինան մեր գործընկերն է», հայտնում է ru.tvi.ua-ն։

 

«Ուկրաինան մեր ռազմավարական գործընկերն է»,-ասել էր նա։ Ասուլիսից հետո նա ասել է, թե շփոթվել է և նկատի է ունեցել Ռուսաստանը։

 

Պատասխանելով «Ինտերֆաքս Ուկրաինա»-ի հարցին, թե պատահակա՞ն է եղել այդ արտահայտությունը, նա ասել է. «Հասկանում եք, ես անընդհատ մտածում եմ Ուկրաինայի մասին։ Այդ իսկ պատճառով էլ նման բան ասացի»,-ասել է Յանուկովիչը։

«Իհարկե ես ուզում էի ասել, որ Ռուսաստանն է մեր ռազմավարական գործընկերը»,-ասել է նա։