Բելառուսի մայրաքաղաքում բերման են ենթարկել Ուկրաինայի հետ համերաշխության ակցիայի բոլոր մասնակիցներին՝ այդ թվում 7 լրագրողների

18:14 • 02.03.14

Մինսկում Ռուսաստանի Դաշնության դեսպանատան շենքի մոտ Ուկրաինայի հետ համերաշխության ակցիան ավարտվել է զանգվածային ձերբակալություններով, հաղորդում է «Ուկրաինսկայա պրավդա»-ն:


Ակցիայի սկսվելուց առաջ դեսպանատան մոտից բերման են ենթարկել անկախ թերթերի յոթ լրագրողների և երեք հասարակական ակտիվիստների: Ընդհանուր առմամբ՝ ակցիայի ժամանակ բերման է ենթարկվել 20-ից ավելի մարդ:


Հաղորդվում է նաև Ռուսաստանի դեսպանատան ատաշե Ալեքսանդր Պչելինցևի բերման ենթարկվելու մասին։ Նրան ևս բաց չեն թողնում՝ հավանաբար փաստաթղթերի բացակայության պատճառով:


Մոսկվայում նույնպես ոստիկանությունը սկսել է բերման ենթարկել ՌԴ պաշտպանության նախարարության շենքի մոտ Ուկրաինայի տարածք Ռուսաստանի ռազմական ներխուժման դեմ ակցիայի մասնակիցներին: