Elie Saab-ը Փարիզում ներկայացրել է իր նոր հավաքածուն (լուսանկարներ)

13:19 • 04.03.14

Փարիզում ընթացող Նորաձևության շաբաթվա շրջանակներում Elie Saab նորաձևության տունը ներկայացրել է իր աշուն/ձմեռ-2014 հավաքածուն, որը բրենդի սիրահարներին առաջարկում է լիբանանցի դիզայներ Էլի Սաաբի նոր «գլուխգործոցները», գրում է Tatler-ը։

 

Հավաքածուում այս անգամ գերակշռում են մուգ երանգները, իսկ գործվածքներից՝ թավիշը։ Այս տարի դիզայները նուրբ շղարշի փոխարեն նախապատվությունը տվել է արքայական թավշին և թանկարժեք մորթիներին։

 

Ամսագիրը հավելում է, որ լիբանանցի դիզայները երեկ դարձել է «Օսկար» կինոմրցանակաբաշխության աստղը, քանի որ գեղեցկուհի Անջելինա Ջոլին կարևոր իրադարձության համար ընտրել է հենց նրա ստեղծած ամենանուրբ ու շքեղ զգեստներից մեկը։