Նիկոլյա Սարկոզին դատական հայց կներկայացնի իր բանակցությունները հրապարակելու համար

15:42 • 06.03.14

Ֆրանսիայի նախկին նախագահ Նիկոլյա Սարկոզին և նրա կինը՝ Կառլա Բրունին, մտադիր են դատական հայց ներկայացնել իրենց անձնական կյանք ներխուժելու համար, հայտնում է РИА Новости-ն։

 

Ձայնագրությունները, որոնք գաղտնի արել էր Սարկոզիի նախկին խորհրդական Պատրիկ Բուիսոնը, նախօրեին հրապարակել էր միաժամանակ 2 պարբերական։

 

Նյութերը հավաքվել են 2007-2012թթ. ընթացքում և պարունակում են երկրի կառավարությունում փոփոխությունների վերաբերյալ մի շարք բանակցություններ, ինչպես նաև նախկին նախագահի կնոջ հեգնական մեկնաբանությունները նրա կողմնակիցների հասցեին։

 

Ինչպես հաղորդում է France Press գործակալությունը, զույգը մոտ ժամանակում կդիմի Փարիզի վերին ատյանի դատարան։