Մեկ օրում Թուրքիայի ընդդիմադիր կուսակցության շարքերը լքել է 500 կուսակցական
Թուրքիայի հարավ-արևմտյան Անթալիա նահանգում մեկ օրում ընդդիմադիր Ժողովրդահանրապետական կուսակցության շարքերը լքել է 500 կուսակցական, տեղեկացնում է թուրքական Sabah օրաթերթի կայքը։
Նման քայլի պատճառը կուսակցության քաղաքականությունից դժգոհությունն է, ինչպես նաև նախընտրական ռազմավարությունը։
Թուրքիայում մարտի 30-ին քաղաքապետի ընտրություններ են նախատեսված։
Ակնկալվում է, որ հիմնական պայքարը կընթանա ընդդիմադիր Ժողովրդահանրապետական կուսակցության և իշխող «Արդարություն և զարգացում» կուսակցության միջև։










