Գերմանիայում տեղի է ունեցել Ադրբեջանում հայերի ջարդերի զոհերի հիշատակին նվիրված միջոցառում
Մարտի 6-ին Բեռլինում` Հեսսեն երկրամասի մշտական ներկայացուցչության սրահում, տեղի է ունեցել Ադրբեջանում հայերի ջարդերի զոհերի հիշատակին նվիրված միջոցառում։
Ինչպես հայտնում են ԼՂՀ արտգործնախարարությունից` միջոցառման ժամանակ ելույթներով հանդես են եկել Գերմանիայում ԼՂՀ մշտական ներկայացուցիչ Հարություն Գրիգորյանը և ԳԴՀ-ում ՀՀ դեսպան Վահան Հովհաննեսյանը։
Սումգայիթում հայերի նկատմամբ իրականացված ջարդերն իրավական տեսակետից մանրամասնորեն ներկայացրել է պրոֆեսոր Օտտո Լուխտերհանդը։ Երաժշտական համարներով հանդես են եկել երգիչ Արտակ Կիրակոսյանը և ջութակահար Դավիթ Խաչատրյանը։
Երեկոյին ներկա էին հայ համայնքի, ինչպես նաև` դիվանագիտական, քաղաքական ու գիտական շրջանակների ներկայացուցիչներ:










