Ռուսաստանում ձերբակալել են Ղրիմ մեկնել փորձող ադրբեջանցի ընդդիմադիրների

12:30 • 10.03.14

Դաղստանի մայրաքաղաք Մախաչկալայում ձերբակալվել է ադրբեջանական «Մուսավաթ» ընդդիմադիր կուսակցության փոխնախագահ Արիֆ Հաջիլին։

 

Այդ մասին ադրբեջանական ԱՊԱ գործակալությանը տեղեկացրել է անձամբ Հաջիլին։ «Ինձ ձերբակալել են Մախաչկալայում, խնդրում եմ այդ մասին հաղորդեք ընտանիքիս»,-ասել է նա, ինչից հետո կապն ընդհատվել է և այլ մանրամասներ պարզել չի հաջողվել։

 

«Մուսավաթ» կուսակցության խորհրդի նախագահ Արզու Սամեդբեյլին հաղորդել է, որ Հաջիլին կուսակցության մյուս փոխնախագահ Գյուլաղա Ասլանլըի հետ մեկնել է Ուկրաինա, որպեսզի այնտեղից անցնի Ղրիմ։ «Հավանաբար, նրանց ձերբակալել են Ռուսաստանի տարածքում»,-ասել է նա։
 

Հաջիլին և Ասլանլըն այժմ հեռախոսազանգերին չեն պատասխանում։