Ուկրաինայի ՊՆ-ն հայտնել է Սիմֆերոպոլում ռազմական հոսպիտալի գրավման մասին
Սիմֆերոպոլում այսպես կոչված «Ղրիմի ժողովրդական ինքնապաշտպանությունից» մոտ 20 մարդ գրավել են ռազմական հոսպիտալի շենքը: Այդ մասին երկուշաբթի հաղորդել է Ուկրաինայի պաշտպանության նախարարության կայքը, գրում է «Дождь»-ը:
Ինչպես հայտնել են նախարարությունից, գրավողները բժշկական հաստատության տարածքից դուրս են հանել հոսպիտալի ղեկավարին: Հրամանատարության և բժշկական անձնակազմի ներկայացուցիչներին արգելափակել են հոսպիտալի ակումբի շենքում:
Այժմ հոսպիտալում բուժում են ստանում 20-ից ավելի ծանր հիվանդներ, որոնցից մեկը վերակենդանացման բաժանմունքում է:










