Սիրիայում առևանգված միանձնուհիներն ազատ են արձակվել

09:00 • 10.03.14

Սիրիացի ապստամբների կողմից ամիսներ առաջ առևանգված միանձնուհիներն ազատ են արձակվել, տեղեկացնում է Lenta.ru-ն՝ France Presse գործակալությանը հղումով։

 

Մարտի 9-ին նրանք տեղափոխվել են Լիբանանի Արսալ քաղաք, որը գտնվում է սիրիական սահմանից ոչ հեռու։

 

Այնտեղից Լիբանանի անվտանգության ծառայության և Կատարի հետախուզության ներկայացուցչի ուղեկցությամբ նրանք ուղևորվել են Լիբանանի հարավ, ապա դարձյալ մուտք են գործել Սիրիայի տարածք։ Գործակալության տվյալներով՝ նրանց ճանապարհորդությունը տևել է 9 ժամ։

 

Գործողության մանրամասները չեն հաղորդվում։ Ավելի վաղ հաղորդվել էր, որ միանձնուհիներին ազատ արձակելու դիմաց ապստամբները պահանջել էին ազատել կառավարական բանտերում պահվող 1000 կնոջ։

 

Ենթադրվում է որ Սիրիայի իշխանությունները գերված միանձնուհիներին ազատ արձակելու դիմաց համաձայնել էին բանտից ազատել 150 կալանավորի։ Այս տեղեկությունը պաշտոնապես հաստատված չէ։

 

Սիրիական Մաալուլա քաղաքում գտնվող հունական սրբավայրից 12-13 միանձնուհիների առևանգման մասին տեղեկությունը տարածվել էր 2013թ.-ին դեկտեմբերին։