Facebook-ի աշխատակիցներին տարհանել են ընկերության շտաբ-բնակարանից
Ամերիկյան Facebook ընկերության բոլոր աշխատակիցներին տարհանել են Սան Ֆրանցիսկոյի կենտրոնական գրասենյակից՝ այն բանից հետո, երբ ընկերության հասցեին սպառնալիքներ են ուղղվել, հայտնում է Interfax-ը՝ վկայակոչելով տեղական լրատվամիջոցներին:
Նախօրեին երեկոյան տեղի ոստիկանությունը կասկածելի զանգ է ստացել: Անհայտ է, սակայն, թե զանգողը կոնկրետ ինչ սպառնալիք է հնչեցրել:
Զանգից հետո բոլոր աշխատակիցներին դուրս են բերել և զննել են գրասենյակի տարածքը: Ոստիկանները սպառնալիք ներկայացնող որևէ բան չեն հայտնաբերել և ենթադրել են, որ դա կեղծ ահազանգ է եղել:










