Բելառուսը ՌԴ-ին կառաջարկի իր երկրում ինքնաթիռներ տեղակայել՝ ՆԱՏՕ-ի ակտիվությամբ պայմանավորված

18:07 • 12.03.14

Մինսկն ադեկվատ արձագանք կտա Բելառուսի սահմանին ՆԱՏՕ-ի ուժերի տեղակայմանը, և կառաջարկի Ռուսաստանին ևս 15 ինքնաթիռ տեղակայել երկրի տարածքում՝ պայմանավորված ՆԱՏՕ-ի ակտիվությամբ. ինչպես տեղեկացնում է РИА Новости գործակալությունը, այդ մասին հայտարարել է Բելառուսի նախագահ Ալեքսանդր Լուկաշենկոն Բելառուսի ազգային անվտանգության խորհրդի նիստում։

 

«Բելառուսն ադեկվատ արձագանք կտա ՆԱՏՕ-ի ուժերի ամրապնդմանը երկրի սահմանների մոտակայքում»,-ասել է նախագահը։

 

Նա հավելել է, որ «Բելառուսը ՌԴ-ին կառաջարկի լրացուցիչ 15 ինքնաթիռ տեղակայել երկրում»։

 

Լուկաշենկոն նշել է, որ Բելառուսը շարունակում է երկկողմ համաձայնությունների հիման վրա ուժեղացնել համատեղ զորքերը, մասնավորապես՝ ավիացիան։

 

Բելառուսի նախագահի խոսքով՝ իրենք պարտավոր են արձագանքել և պաշտպանել իրենց շահերը։

 

«Մենք վերջին շրջանում հետևում ենք հակամարտության սրացմանը։ Դա արդեն տեղի է ունենում ոչ թե Սիրիայում, Լիբիայում կամ Իրաքում, այլ մեր սահմանին։ Դա արդեն առնչվում է մեր շահերին, և մենք իրավունք չունենք նստելու»,- հայտարարել է Լուկաշենկոն։