Նյու Յորքում պայթյուն է տեղի ունեցել. առնվազն 11 մարդ է տուժել

19:21 • 12.03.14

Նյու Յորքի կենտրոնում չորեքշաբթի պայթյուն է տեղի ունեցել, որի հետևանքով 5 հարկանի բնակելի շենքը մասամբ ավերվել է:


Ինչպես հաղորդում է РИА Новости-ն՝ NBC-ին հղումով, պայթյունից առնվազն 11 մարդ է տուժել: Փրկարարները փլատակների տակից մի քանի մարդու են դուրս բերել, այդ թվում՝ երեխայի: Պայթյունից առաջացած ծուխը պատել է ողջ թաղամասը:


Շենքի մի մասն ամբողջությամբ փլուզվել է, տուժել են նաև հարևանությամբ կայանված մեքենաները: Հեռուստաընկերության տվյալներով՝ կառույցի առաջին հարկում եկեղեցի է տեղակայված եղել, իսկ վերին հարկերում՝ բնակարաններ: Փրկարարների տվյալներով՝ միջադեպի ահազանգն ստացվել է Մանհեթենից:


 Взрыв прогремел в центре Нью-Йорка

Взрыв прогремел в центре Нью-Йорка

Посмотреть изображение в Твиттере