Ամերիկյան մանկապարտեզում երեխայի մոտ 48 փաթեթ հերոին է հայտնաբերվել
ԱՄՆ-ի Նյու Ջերսի նահանգի մանկապարտեզներից մեկում երեխայի մոտ 48 փաթեթ հերոին է հայտնաբերվել, հայտնում է NBC News-ը:
Երկու տարեկան երեխան թմրանյութը մանկապարտեզ է բերել տանից, ենթադրվում է, որ դա պատկանել է նրա 27-ամյա հորը: Նա ձերբակալվել է: Փաթեթները եղել են երեխայի բաճկոնի մեջ:
Ոստիկանությունը հայտնել է, որ այլ երեխաներ ձեռք չեն տվել թմրանյութին, սակայն ծնողներից մեկը լրատվամիջոցին պատմել է, որ իր երեխան չհասկանալով թմրանյութ է փորձել:
Մանկապարտեզի տնօրինությունը կատարվածը չի մեկնաբանել:










