Չինական արբանյակի հայտնաբերած մասերը կապ չունեն մալայզիական վթարված ինքնաթիռի հետ. Մալայզիայի տրանսպորտի նախարար
Մալայզիայի տրանսպորտի նախարարը հայտարարել է, որ չինական արբանյակի կողմից հայտնաբերված ինքնաթիռի մնացորդները կապ չունեն անցյալ շաբաթ անհետացած Malaysia Airlines-ին պատկանող ինքնաթիռի հետ:
BBC-ի հաղորդմամբ՝ նախարարը հերքել է ԱՄՆ-ի կողմից հրապարակված զեկույցն այն մասին, որ MH370 թռիչքը ժամեր է տևել՝ նախքան կապի ընդհատվելը:
Հիշեցնենք, որ այսօր ավելի վաղ հաղորդվում էր, որ չինական արբանյակը գտել է անհետացած Boeing-ի կործանման ենթադրյալ վայրը: Չինաստանի պետական հեռուտաընկերությունը դեռևս վստահեցնում է, որ լուսանկարները սխալ չեն, իսկ ռազմական մեքենան շարունակում է ինքնաթիռի մասերի որոնումները:










