Ավիաընկերությունները փոխում են Ուկրաինայի տարածքով անցնող չվերթների երթուղիները
Որոշ ռուսական և արտասահմանյան ավիաընկերություններ փոխում են Ուկրաինայի տարածքով անցնող մի շարք չվերթների երթուղիները, հաղորդում է ria.ru-ն: Ինչպես հայտարարել են ճյուղի ներկայացուցիչները, փոխադրողները գործում են ռուսական ավիացիոն իշխանությունների խորհուրդների համապատասխան:
Մասնավորապես, որոշ չվերթների երթուղիներ են փոխել ռուսական «Аэрофлот»-ը, «Трансаэро»-ն և NordWind-ը, ինչպես նաև արտասահմանյան ընկերություններ, որոնց թվում է Turkish Airlines-ը:
Հաղորդվում է, որ «Аэрофлот»-ը սկսել է առավել երկար երթուղի իրականացնել դեպի Սիմֆերոպոլ, որն անցնում է հիմնականում Ռուսաստանի տարածքով: Մարտի 12-ի երեկոյան ընկերությունը հաստատել է տվյալ տեղեկությունը: Հինգշաբթի փոփոխությունները շարունակվել են:










