Սիրիայի արտգործնախարարը հոսպիտալացվել է
Սիրիայի արտգործնախարար Վալիդ Մուալլեմը տեղափոխվել է Բեյրութի հիվանդանոց, տեղեկացնում է Интерфакс գործակալությունը՝ Daily Star կայքին հղումով։
Սիրիայի արտգործնախարարը Բեյրութի Ամերիկյան համալսարանի բուժկենտրոն է տեղափոխվել շնչառության և արյան բարձր ճնշման խնդիրների պատճառով։
Նախարարը հիվանդանոցի շենք է մտել առանց կողմնակի օգնության, սակայն լիբանանյան լրատվամիջոցները տեղեկացնում են, որ նա դժվարությամբ է քայլել։
Բժիշկները հետազոտում են 73-ամյա դիվանագետին՝ ճշգրիտ ախտորոշում նշանակելու համար։
Դիվանագետին արդեն այցելել են Լիբանանում Սիրիայի դեսպան Ալի Աբդուլ Քարիմը և Լիբանանի ֆինանսների նախարար Հասան Խալիլը։










