Ռուսաստանը հավանություն է տվել Ուկրաինա ԵԱՀԿ առաքելության ուղարկմանը
ԵԱՀԿ-ում ռուսական պատվիրակությունը հավանություն է տվել Ուկրաինայում երկարաժամկետ դիտորդական առաքելության տեղակայման գաղափարին, հաղորդում է BBC-ի ռուսական ծառայությունը:
Վերջնական որոշում, սակայն, դեռ չի ընդունվել, և առաքելության մանրամասները, այդ թվում՝ աշխարհագրական տարածքը, դեռ քննարկվում է:
ԵԱՀԿ խորհրդի նախագահ Թոմաս Գրեմինգերը հայտնել է, որ Ռուսաստանը հանդես է գալիս համազգային առաքելության կազմակերպման օգտին, որը, այդ թվում, կհետևի Ղրիմում իրավիճակին:
Ուկրաինայում ԵԱՀԿ-ի երկարաժամկետ առաքելության գաղափարը լայն աջակցություն է ստացել արևմտյան առաջնորդների կողմից, սակայն մինչ այժմ Ռուսաստանն իր աջակցությունը չէր հայտնել նման նախագծին:










