Բայդենն Ուկրաինայի հարցը կքննարկի Լեհաստանի, Լատվիայի, Լիտվայի և Էստոնիայի առաջնորդների հետ

10:44 • 15.03.14

ԱՄՆ փոխնախագահ Ջո Բայդենը մարտի 17-19-ը կայցելի Լեհաստան և Լիտվա, որտեղ կքննարկի Ուկրաինայի հարցը, հաղորդում է Սպիտակ տունը։

 

Ինչպես տեղեկացնում է Взгляд-ը, Բայդենը հանդիպելու է Լեհաստանի վարչապետի, ինչպես նաև Լիտվայի, Լատվիայի և Էստոնիայի նախագահների հետ։

 

«Հանդիպումների ընթացքում փոխնախագահը կքննարկի Ուկրաինայի տարածքային ամբողջականությանն ու ինքնիշխանությանն օժանդակելու հարցերը, նաև կհաստատի հավաքական պաշտպանության պարտավորությունները՝ Հյուսիսատլանտյան պայմանագրի շրջանակներում»,-ասված է Սպիտակ տան հայտարարության մեջ։

 

Ուկրաինայում քաղաքական ճգնաժամը սկսվել էր 2013թ.-ի նոյեմբերին, երբ կառավարությունը հայտարարել էր երկրի եվրաինտեգրման կուրսը կասեցնելու մասին։