Չեխիայում երեխաներ տեղափոխող ավտոբուս է շրջվել
Չեխիայի Պլզենյան շրջանում երեխաներ տեղափոխող ավտոբուս է շրջվել, ինչի հետևանքով տուժել է 8 մարդ, հայտնում է Взгляд-ը՝ ոստիկանությանը հղումով։
Հաղորդվում է, որ ճանապարհատրանսպորտային պատահարը տեղի է ունեցել այն պահին, երբ ավտոբուսի վարորդը փորձել է շրջանցել բեռնատարին, սակայն դուրս է եկել հանդիպակաց գոտի ու շրջվել։
Նշվում է, որ ավտոբուսում եղել է 26 հոկեյիստ երեխա և 6 մեծահասակ։ Միջադեպի հետևանքով տուժել է մոտ 10 տարեկան 8 երեխա, որոնք հոսպիտալացվել են։










