Սլովակիայում նախագահ են ընտրում
Սլովակիայում այսօր մեկնարկել են նախագահական ընտրությունները, հայտնում է Газета-ն՝ Reuters-ին հղումով։
Երկրի գործող նախագահ Իվան Գաշպարովիչը 2-րդ անգամ այդ պաշտոնում է ընտրվել 2009թ. ապրիլի 4-ին։ Ըստ Սլովակիայի սահմանադրության՝ նա չի կարող իր թեկնածությունն առաջադրել 3-րդ անգամ։
Ինչպես նշում է BBC-ն, այս ընտրությունների հիմնական ֆավորիտն է գործող վարչապետ Ռոբերտ Ֆիկոն, ում դեմ իր թեկնածություն է առաջադրել գործարար, բարեգործ Անդրեյ Կիսկան։










