Թուրքիայում բախումները շարունակվում են (լուսանկարներ)

11:20 • 15.03.14

Թուրքիայի տարբեր քաղաքներում գիշերը շարունակվել են ցուցարարների և ոստիկանության միջև բախումները։

 

Ինչպես տեղեկացնում է CNN Turk-ը, հատկապես Ստամբուլի որոշ թաղամասեր գիշերը ռազմի դաշտ են հիշեցրել։

 

Ոստիկանությունը ցուցարարներին փորձել է ցրել ջրցան մեքենաների միջոցով, իսկ ցուցարարներն ի պատասխան քարեր և Մոլոտովյան կոկտեյլներ են նետել։

 

Հիշեցնենք, որ Թուրքիայում բախումներն վերսկսվել էին այն բանից հետո, երբ հիվանդանոցում մահացել էր դեռևս անցյալ ամառվա ցույցերի ընթացքում վիրավորված և կոմայի մեջ ընկած 15-ամյա Բերքին Էլվանը։

 

Ամենազանգվածային ակցիաները տեղի են ունենում Ստամբուլում և Անկարայում։ Հաղորդվում է, որ կան տասնյակ ձերբակալվածներ, և նրանց թվում քիչ չեն անչափահասները։