Այսօր գրենլանդյան փոկերի ձագերի պաշտպանության միջազգային օրն է (լուսանկարներ)

11:37 • 15.03.14

Այսօր՝ մարտի 15-ին, Գրենլանդյան փոկերի ձագերի պաշտպանության միջազգային օրն է, որն ամեն տարի նշվում է Կենդանիների պաշտպանության միջազգային հիմնադրամի (IFAW) նախաձեռնությամբ։ 

 

Ինչպես նշում է ИТАР-ТАСС-ը, լույս աշխարհ գալուց հետո դեռևս 2 շաբաթ, երբ փոկն իր ձագուկներին կերակրում է կաթով, դրանց մորթին մնում է ձյունաճերմակ։

 


Հենց այդ գեղեցիկ մորթու պատճառով էլ ամեն տարի տասնյակ հազարավոր ձագեր են սպանվում։ 20-րդ դարի վերջին այս փոկերի ձագերի կոմերցիոն նպատակով որսը վերացման վտանգի տակ է դրել այս կենդանատեսակը։

 


 

Այժմ դրանք գտնվում են IFAW-ի, տարբեր հասարակական կազմակերպությունների, հայտնի մարդկանց պաշտպանության ներքո։ 1986թ. ի վեր ձագերի մորթու ներկրումն ու վաճառքն ԱՄՆ-ում, Մեքսիկայում և Եվրոպայում արգելված է։