5 մարդ փորձել է ներխուժել Մոսկվայում Ուկրաինայի դեսպանատուն. նրանք բերման են ենթարկվել

12:52 • 17.03.14

Մոսկվայում ոստիկանությունը հինգ մարդու է բերման ենթարկել, որոնք փորձել են մտնել ՌԴ-ում Ուկրաինայի դեսպանատան տարածք: Այդ մասին ИТАР-ТАСС-ին հայտնել են ՌԴ ներքին գործերի նախարարության մայրաքաղաքային վարչության մամուլի ծառայությունից:

 

«Այսօր ոստիկանության և Ուկրաինայի դեսպանատան աշխատակիցները կանխել են այդ երկրի դեսպանատուն հինգ քաղաքացիների մուտքը: Բերման ենթարկված անձինք տեղափոխվել են ոստիկանական բաժանմունք, որտեղ որոշվում է նրանց պատասխանատվության ենթարկելու հարցը»,- ասել են մամուլի ծառայությունից:

 

Բերման ենթարկվածների անձը հայտնի չէ: