Քուրտ Քոբեյնի այրին հայտնաբերել է մալայզիական անհետացած ինքնաթիռի ենթադրյալ հետքը

14:34 • 18.03.14

Երաժիշտ Քուրտ Քոբեյնի այրին՝ երգչուհի Քորթնի Լավը, արբանյակային լուսանկարում գտել է մալայզիական անհետացած ինքնաթիռի ենթադրյալ հետքը։ Այդ մասին նա գրել է Facebook սոցկայքի իր էջում՝ տեղադրելով նաև լուսանկարը, գրում է lenta.ru-ն։

 

«Ես փորձագետ չեմ, սակայն եթե լավ նայել, ապա սա նման է ինքնաթիռի և դրա կողքին նավթային հետքի»,- գրել է երգչուհին։

 

Նրա գրառումը ստացել է ավելի քան 8.500 հավանություն (Like), իսկ կիսվել է դրանով ավելի քան 9.000 օգտատեր։

 

Մալայզիայի իշխանություններից Քորթնի Լավի գրառման վերաբերյալ պաշտոնական մեկնաբանություններ դեռ չեն ստացվել։

 

Հիշեցնենք, որ Կուալա Լումպուրից Պեկին թռչող օդանավը, որում գտնվել է 227 ուղևոր և 12 հոգանոց անձնակազմը, անհետացել է լույս մարտի 8-ին։