ԱՄՆ-ն դադարեցրել է դիվանագիտական հարաբերությունները Սիրիայի հետ

23:45 • 18.03.14

ԱՄՆ-ն դադարեցնում է դիվանագիտական հարաբերությունները Սիրիայի հետ: Այս մասին հաղորդում է Газета.Ru-ն՝ Reuters գործակալությանը հղումով, որը մեջբերում է Սիրիայի հարցով ԱՄՆ-ի հատուկ դեսպան Դանիել Ռուբինստայնին:


Բացի այդ, դադարեցվել է երկրի տարածքում գործող դեսպանության և հյուպատոսությունների աշխատանքը: Միչիգանում և Տեխասում Սիրիայի դեսպանության և հյուպատոսությունների աշխատակիցները ԱՄՆ-ի տարածքը լքելու հրահանգ են ստացել:


Ռուբինստայնի խոսքով՝ անհանդուրժելի է, որ ԱՄՆ-ի տարածքում իրենց աշխատանքը շարունակեն Սիրիայի նախագահ Բաշար ալ-Ասադի կողմից նշանակված մարդիկ:

 

ИТАР-ТАСС-ի փոխանցմամբ՝ ավելի ուշ այս հարցի շուրջ մեկնաբանություններով հանդես է եկել ԱՄՆ պետդեպի պաշտոնական ներկայացուցիչ Ջեն Պսակին, ով լրագրողներին հայտնել է, որ ԱՄՆ-ում Սիրիայի դիվանագիտական ներկայացուցչությունների աշխատանքի դադարեցումը Դամասկոսի հետ հարաբերությունների խզում չի նշանակում: