Լատվիայում տղամարդը փորձել է ավտոբուս առևանգել և ուղևորներին գերի վերցնել
Լատվիայի Սիգուլդա քաղաքում տղամարդն ինքնաձիգի նման իրով փորձել է ավտոբուս առևանգել, տեղեկացնում է РИА Новости գործակալությունը։
TV5 հեռուստաընկերության տեղեկություններով՝ երիտասարդը վազել է փողոց, վարորդի ուղղությամբ պահել ինքնաձիգի նման իրը։ Ավտոբուսն արգելակել է։
Տղամարդը մտել է ավտոբուս, և վարորդը փորձել է վնասազերծել նրան, բայց գլխին հարված է ստացել։
Ուղևորները շոկի մեջ են եղել և չեն համարձակվել անգամ ոստիկանություն կանչել։ Հարվածից հետո վարորդն ուշքի է եկել և ինքնուրույն վնասազերծել հարձակվողին։ Տղամարդը ձերբակալվել է, իսկ զենքն ուղարկվել է փորձաքննության։










