Բրիտանիան կմասնակցի Ուկրաինայի տարածքում անցկացվելիք զորավարժություններին. ԶԼՄ-ներ
Մեծ Բրիտանիայի զինված ուժերը կմասնակցեն Ուկրաինայի տարածքում հուլիսին անցկացվելիք զորավարժություններին, գրում է ИТАР-ТАСС-ը՝ հղում անելով Guardian-ին:
Միացյալ Թագավորության զորքերը կմտնեն ռազմական կազմավորման մեջ, որի ընդհանուր թիվը հասնում է 1.300 մարդու: Թերթի տեղեկություններով՝ զորավարժությունների մասնակիցների մեծ մասն ամերիկացի զինծառայողներ են:
ԱՄՆ Ատլանտյան խորհրդի պաշտոնական կայքում նշվում է, որ «Rapid Trident-2014» զորավարժությունները կանցնեն Լվովի շրջանում՝ Լեհաստանի հետ սահմանից ոչ հեռու, և նպատակ ունեն «ապահովել տարածաշրջանային կայունությունն ու անվտանգությունը, բարելավել ԱՄՆ-ի բանակի, Ուկրաինայի ցամաքային զորքերի և ՆԱՏՕ-ի այլ երկրների միջև համագործակցությունը»:
Բացի այդ, զորավարժություններում նախատեսվում է Ադրբեջանից, Հայաստանից, Բուլղարիայից, Գերմանիայից, Վրաստանից, Կանադայից, Մոլդովայից, Լեհաստանից և Ռումինիայից զինվորականների մասնակցություն:










