Ջագերի ընկերուհին ինքնասպան է եղել. դատաբժշկական փորձաքննություն

09:58 • 20.03.14

49-ամյա նախկին մոդել և դիզայներ Լոուրեն Սքոթի դիահերձման արդյունքում հաստատվել է, որ Rolling Stones խմբի մենակատար Միք Ջագերի ընկերուհին ինքնասպանություն է գործել։ 

 

Ինչպես հայտնում է Взгляд-ը՝ Associated Press-ին հղումով, դատաբժշկական փորձաքննությունը ցույց է տվել, որ կինը կախվել է։ Աղբյուրը հիշեցնում է, որ հայտնի դիզայների դին Նյու Յորքի իր բնակարանում հայտնաբերել է նրա օգնականը։ Նշվում է, որ Սքոթի պարանոցի շուրջ շարֆ է փաթաթված եղել։

 

Պարբերականը մանրամասնում է, որ այս լուրն ուղղակի ցնցել ու շոկի մեջ է գցել Ջագերին, ում համար անհասկանալի է մնում սիրելի կնոջ ինքնասպան լինելու պատճառը։ Այս կապակցությամբ Rolling Stones-ը հետաձգել է Ավստրալիայում կայանալիք համերգը։