Ռուս երիտասարդը կամրջի վրա սիրո խոստովանություն անելիս վայր է ընկել՝ հայտնվելով վերակենդանացման բաժանմունքում

18:12 • 24.03.14

ՌԴ Կալինինգրադ քաղաքի կամուրջներից մեկի վրա սիրո խոստովանությունը 25-ամյա երիտասարդի համար վերակենդանացման բաժանմունքում հոսպիտալացմամբ է ավարտվել։

 

Ինչպես նշում է ИТАР-ТАСС-ը, հայտնի է, որ երիտասարդն իր ընկերուհու՝ 20-ամյա աղջկա հետ վաղ առավոտյան վերադառնալիս է եղել դիսկոտեկից։ Ալկոհոլի ազդեցության տակ գտնվող սիրահարը փորձել է կամրջի վրա հերոսական մեթոդով իր սերն ապացուցել։

 

Դրա համար նա մագլցել է ճաղավանդակների վրա, սակայն չկարողանալով պահպանել հավասարակշռությունը՝ վայր է ընկել մի քանի մետր բարձրությունից։

 

Արդյունքում երիտասարդը ստացել է բազմաթիվ վնասվածքներ, այդ թվում՝ փակ գանգուղեղային վնասվածք։ Այժմ բժիշկները պայքարում են տուժածի կյանքի համար։