Սիրիացի կինը փորձել է ինքնահրկիզվել Լիբանանում` ՄԱԿ-ի գրասենյակի առաջ

14:54 • 25.03.14

Լիբանանի՝ մեծությամբ 2-րդ քաղաք Տրիպոլիում սիրիացի կինն ինքնահրկիզման փորձ է իրականացրել ՄԱԿ-ի գրասենյակի առաջ։

 

Ինչպես հայտնում է ИТАР-ТАСС-ը, 40-ամյա կնոջ՝ Մարիամ Աբդել Կադերի նման քայլի պատճառն է եղել ծայրահեղ աղքատ վիճակը։ Անցորդները կարողացել են փրկել կնոջը, ով այժմ հոսպիտալացվել է։

 

Աղբյուրը մանրամասնում է, որ Լիբանանի տարածքում ապաստան է գտել 1.3 մլն-ից ավելի սիրիացի փախստական, որոնց մեծ մասն ապրում է ծայրահեղ աղքատության պայմաններում։

 

Երկուշաբթի Լիբանանի արտաքին քաղաքական գերատեսչության ղեկավար Ջեբրան Բասիլը հայտարարել է, որ իր երկիրն այլևս ի վիճակի չէ սիրիացի փախստականներ ընդունել։