Բերեզովսկին ինքնասպան է եղել, սակայն անորոշ մանրամասներ կան. բրիտանական ոստիկանություն

23:03 • 26.03.14

Բրիտանական ոստիկանությունը եզրահանգում է ներկայացրել, որ ռուս գործարար Սերգեյ Բերեզովսկին ինքնասպան է եղել, սակայն նշել է, որ գործի որոշ մանրամասներ անհասկանալի են մնում:


«Հետաքննության ընթացքում մենք հանգել ենք այն եզրակացության, որ մահվան պատճառ է դարձել ինքնասպանությունը»,- ոստիկանության եզրակացությունը մեջբերում է РИА Новости-ին:


Ոստիկանությանն այդպես էլ չի հաջողվել պարզել, թե ում է պատկանում մատնահետքերից մեկը, որը հայտնաբերվել էր լոգարանում, որտեղ գտել էին գործարարի մարմինը: Չի պարզվել նաև այն անձի ինքնությունը, ում երկու օր անց նկատել էին Բերեզովկու տան մոտակայքում:


Ինչպես Բերեզովսկու թիկնապահը, այնպես էլ՝ «շտապ օգնության» բժիշկը, ով զննել է մարմինը, կարծում են, որ գործարարն ինքնասպան է եղել:


Հիշեցնենք, որ ավելի վաղ հաղորդվում էր, որ Բրիտանիայում Բերեզովսկու մահվան հետ կապված նոր հետաքննություն է սկսվել: