ԼՂՀ մարտական հենակետում հրազենային վիրավորումից զինծառայող է զոհվել

18:29 • 27.03.14

Ղարաբաղա-ադրբեջանական հակամարտ զորքերի շփման գծի արևելյան ուղղությամբ տեղակայված զորամասերից մեկի պահպանության տեղամասի մարտական հենակետում մարտական առաջադրանք կատարելու ժամանակ այսօր՝ ժամը 13:10-ի սահմանում, մահացու հրազենային գնդակային վիրավորում է ստացել զինծառայող, 1995թ. ծնված Արայիկ Ռոմիկի Բաբայանը, այս մասին տեղեկանում ենք ԼՂՀ ՊՆ կայքից։


«ԼՂՀ պաշտպանության նախարարությունը կիսում է ծանր կորստյան վիշտը և իր զորակցությունը հայտնում Ա. Բաբայանի ընտանիքի անդամներին, հարազատներին և ծառայակիցներին: Միջադեպի մանրամասները պարզելու համար տարվում է քննություն»,– ասվում է հաղորդագրությունում: