ԱՄՆ Ջորջիա նահանգում թույլատրել են զենքով եկեղեցի մտնել

00:51 • 27.03.14

ԱՄՆ Ջորջիա նահանգի Ներկայացուցիչների պալատն օրենք է ընդունել, համաձայն որի նահանգի բնակիչներն իրավունք ունեն հրազենով մուտք գործել  հասարակական տարբեր վայրեր, այդ թվում՝ բարեր, ռեստորաններ, եկեղեցիներ, օդանավակայաններ և նույնիսկ՝ տարրական դպրոցներ:

Այս մասին հաղորդում է Russia Today-ը` հղում կատարելով The New York Times-ին:

 

Պարբերականը հիշեցրել է նաև, որ ԱՄՆ նախագահ Բարաք Օբամայի նախընտրական խոստումներից մեկը զենի մասին օրենսդրության խստացումն էր: Նրա նախագահության տարիներին երկրում ընդունվել է 39 օրենք` ուղղված հրազենի ազատ ձեռքբերման և կրման սահմանափակմանը: 


Միևնույն ժամանակ՝ այդ ընթացքում ընդունված 70 այլ օրենքներ թույլ են տվել թուլացնել զենք-զինամթերքի շրջանառության վերահսկողությունը: