Բարաք Օբաման Հռոմի պապին հրավիրել է այցելել Վաշինգտոն

20:15 • 27.03.14

ԱՄՆ նախագահ Բարաք Օբաման այսօր Վատիկանում հանդիպում է ունեցել Հռոմի Ֆրանցիսկոս պապի հետ և հրավիրել նրան` այցելել Վաշինգտոն: Ինչպես հայտնում է ИТАР-ТАСС-ը` Պապական Սուրբ աթոռի մամլո ծառայությանը հղումով, զրույցն ընթացել է անգլերեն և իսպաներեն լեզուներով` «բարեկամական մթնոլորտում»:


«Հանդիպման ընթացքում Օբաման և Ֆրանցիսկոսն ադրադարձել են մի շարք միջազգային սուր հարցերի», - ասվում է մամուլի հաղորդագրության մեջ:


ԱՄՆ նախագահի կողմից Վաշինգտոն այցելելու հրավերը հնչել է նվերների փոխանակման ավանդական արարողության ժամանակ, երբ Օբաման պապին բանջարեղենի սերմեր է նվիրել Սպիտակ տան այգուց: Հռոմի պապն Օբամային հրեշտակի պատկերով բրոնզե մեդալ է նվիրել` որպես խաղաղության նշան: