Մոսկվայի «Շերեմետևո» օդանավակայանում հանվել է ձեռքի ուղեբեռում հեղուկ տեղափոխելու արգելքը
Մոսկվայի «Շերեմետևո» օդանավակայանում հանվել է ձեռքի ուղեբեռում հեղուկ տեղափոխելու արգելքը, հայտնում է «Дождь» հեռուստաընկերությունը:
Այս մասին հայտնի է դարձել օդանավակայանի Twitter-ի էջում արված հրապարակումից:
Ավելի վաղ նույն կերպ էր վարվել «Պուլկովո» օդանավակայանը:
Այսպիսով՝ այժմ նշված օդանավակայաններում ձեռքի ուղեբեռում կարելի է տեղափոխել գելեր, աերոզոլներ և հեղուկներ՝ 100 մլ ծավալով:
Հունվարին Մոսկվայի օդանավակայաններն անվտանգության խստացված միջոցառումների շրջանակներում նման սահմանափակումներ էին մտցրել, ինչը կապվում էր Սոչիի Օլիմպիական խաղերի հետ։










