Ռուսաստանում փակվել է պանրի գործարանը, որի աշխատակիցները լողացել էին կաթի մեջ (լուսանկարներ)
«Ռոսպոտրեբնադզորի»՝ Ռուսաստանի սպառողների իրավունքների պաշտպանության ոլորտի և մարդու բարեկեցության վերահսկման դաշնային ծառայության Օմսկի շրջանային վարչությունը դադարեցրել է ««Սիռի» առևտրային տան» գործունեությունը, որի աշխատակիցներն օրերս լոգանք էին ընդունել կաթի մեջ, հայտնում է ԻՏԱՌ ՏԱՍՍ-ը:
Աղմուկ հանած միջադեպին առնչվող նյութերը փոխանցվել են դատական մարմիններ՝ ձեռնարկության գործունեության վարչական դադարեցման համար:
Պանրի գործարանում ստուգման ժամանակ սանիտարական օրենսդրության կոպիտ խախտումներ են արձանագրվել: Ի թիվս այլնի, բացակայում են նաև անձնական հիգիենայի ապահովման հնարավորությունները:
Ստուգումները, որ սկսվել էին մարտի 26-ին, շարունակվում են: Այն ժամանակ համացանցում նյութեր էին հայտնվել, որոնցում մի քանի երիտասարդներ լողանում են կաթով լցված տեխնոլոգիական տաշտում: Լուսանկարները տեղադրել է նույն գործարանի աշխատակից Արտյոմ Ռոմանովը: Նա հայտնել է, որ այդ կաթը նախատեսված էր հյուսք տեսակի պանրի արտադրության համար:

![]()











