Ռուսաստանի կառավարությունն առաջարկել է հեշտացնել ռուսական վիզաների տրամադրման գործընթացը

13:57 • 28.03.14

Ռուսաստանի Դաշնության կառավարությունը Պետդումա է մտցրել օտարերկրացիների համար վիզաների տրամադրման գործընթացի հեշտացման մասին օրենքի նախագիծը: Այն տեղադրված է կառավարության կայքում, գրում է rbc.ru-ն:

 

Նախագիծը նախատեսում է կրճատել այն փաստաթղթերի քանակը, որոնք օտարերկրացիները պետք է ներկայացնեն զբոսաշրջային վիզաների համար: Բացի այդ, նախատեսվում է ավելացնել ռուսական զբոսաշրջային վիզաների առավելագույն ժամկետը 30 օրվանից մինչև կես տարի:

 

Օրենքի նախագիծը ենթադրում է Ռուսաստան մուտքի հեշտացում այն օտարերկրացիների համար, որոնց այցի նպատակը կապված է «մշակութային, գիտատեխնիկական, հասարակական-քաղաքական, մարզամշակութային կապերի պահպանման և զարգացման հետ»: