Սաակաշվիլին կանխագուշակել է, որ Ռուսաստանը կկորցնի Ղրիմը
Վրաստանը լքած նախկին նախագահ Միխեիլ Սաակաշվիլին շարունակում է կանխագուշակություններ անել։ Այս անգամ նա հայտարարել է Ռուսաստանի անկման մասին՝ Ղրիմի միացման պատճառով, գրում է rosbalt.ru-ն։
«Ղրիմը Ռուսաստանի կազմում ապագա չունի։ Ռուսաստանը Ղրիմի հետ նույնպես ապագա չունի։ Դա պետք է հասկանալ»,- ասել է Սաակաշվիլին ուկրաինական «5-րդ ալիքի» եթերում։
Նրա խոսքով, քանի որ Ռուսաստանն իրեն պահում է որպես կայսրություն, ապա նրան անկում է սպասվում, իսկ դա «կնշանակի ոչ միայն Ղրիմի, Աբխազիայի կամ Մերձդնեստրի կորուստ, այլ՝ սեփական տարածքային ամբողջականության»,- նշել է Սաակաշվիլին։
Հաղորդվում է, որ Սաակաշվիլին Կիևում հանդիպել է Ուկրաինայի նախկին վարչապետ Յուլյա Տիմոշենկոյի հետ, քննարկել նրա հետ երկրի իրավիճակը և Ղրիմի հարցը քաղաքական ճանապարհով կարգավորելու հնարավորությունը։










